വറുതിപ്പൂരം പൂത്തൊരു ചന്ദ്ര രാത്രിയില്
വിശപ്പിന്നമിട്ടുച്ചിയില് പൊട്ടിച്ചിതറിയ
ശാപയാമത്തില്
കാവിരന്നലഞ്ഞ ചിത്രകൂടക്കാവലാളിന്
വിഷം തീണ്ടി ചിത്രത്തിലായവന്....
ഒരു മണിപ്പേഴ്സില് ചില്ലുകടലാസിനുള്ളില്
വിശ്രമത്തിലായവന്.....
അതിരിന്നരികുകള് പലിശത്താഴില് മുറുകുന്നു
കീറിയ തൊണ്ടയിലമ്മിഞ്ഞ ചുവക്കുന്നു
ഒടുവിലാകാശ ബെല്റ്റുകള് മുറുകുന്നു
ഒരു മാടുകൂടിയിറച്ചിക്കടയില് പുഷ്ടിക്കുന്നു.
വെയില്ക്കോമരക്കനലാട്ടമാടിയൊരാഗസ്റ്റിന് മട്ടുപ്പാവില്
ദുബായ് ബാറിലെ നിലാത്തണുപ്പില്
പകലവളൊരു വിളമ്പുകാരി.
മുടിയിലുന്മാദ മുല്ലച്ചുറ്റ്
മുല പുഷ്പിച്ച കസവു ബ്ലൗസ്
പൊക്കിള്പ്പൂമ്പൊടി ചിതറിയ നേര്യമുണ്ട്....
അരങ്ങിലൊരു കളിവിളക്കെരിയുന്നു
ഒരു കരാറില് കോലമൊരുങ്ങുന്നു.
കലങ്ങിയ മഞ്ഞക്കരു മിഴിയില് മന്ദിക്കുന്നു
ഇടുപ്പിന് താഴ്വാരം വിരലാല് കല്ലിക്കുന്നു
മണലരിച്ച ഞാവല്പ്പഴം ചുണ്ടില് തെറിയ്ക്കുന്നു
മാറിലെ മണിപ്പേഴ്സില് നനവു പടരുന്നു.
ഒരു മാടുകൂടിയിറച്ചിക്കടയില് പുഷ്ടിക്കുന്നു.
ഒരു പ്രവാസിയുടെ കാവ്യപുസ്തകം...
. "ഒരു പ്രവാസിയുടെ കാവ്യപുസ്തകം..."
Monday, July 28, 2008
മാംസം വില്ക്കപ്പെടുന്നതിനെക്കുറിച്ച്
എഴുതിയത് : രണ്ജിത്ത് ചെമ്മാട്
Ranjith chemmad / ചെമ്മാടൻ
സമയം
3:42 AM
40
സുന്ദരന്മാരും സുന്ദരികളും മൊഴിഞ്ഞതിങ്ങനെ
![](http://img1.blogblog.com/img/icon18_email.gif)
![](https://resources.blogblog.com/img/icon18_edit_allbkg.gif)
Thursday, July 17, 2008
കര്ക്കിടക കലിപ്പുകള്
അഗ്രഗേറ്ററ്ജിക്കുള്ളതാണ് കര്ക്കിടക കലിപ്പുകള് ഇവിടെ വായിക്കാം
എഴുതിയത് : രണ്ജിത്ത് ചെമ്മാട്
Ranjith chemmad / ചെമ്മാടൻ
സമയം
6:28 AM
2
സുന്ദരന്മാരും സുന്ദരികളും മൊഴിഞ്ഞതിങ്ങനെ
![](http://img1.blogblog.com/img/icon18_email.gif)
![](https://resources.blogblog.com/img/icon18_edit_allbkg.gif)
Tuesday, July 15, 2008
കര്ക്കിടക കലിപ്പുകള്
![](https://blogger.googleusercontent.com/img/b/R29vZ2xl/AVvXsEhs_Pl2wNuQ8fXKGj-FZuHHpxarlqqhyphenhyphenNEhPXuvqcjm1qYR32SFMtfZXOhKF8YCFLWc66rZByKyiXY7RdnZR8OEsdRni6vUJcuGE3peqWnYW5SKDKAWjlQLgt1vdV7Ju70S5kTsEm617pSk/s320/field.jpg)
വെയില് വിരലുകള് വയലിന്നടിവയറില്,
കലപ്പയില് പേറെടുക്കപ്പെട്ട്
മാനം നോക്കിക്കരയുന്ന
കറുത്തടറ്ന്നൊരു ചുള്ളിക്കമ്പ്,
ഇലപ്പൊലിപ്പിന്റെ പൂറ്വ്വകാല-
മയവിറക്കുന്നൊരു വേലിപ്പെണ്ണ്,
വായ്പ്പയുടെ ഓരുവെള്ളക്കെട്ടില്
സമൃദ്ധകാലം ചീഞ്ഞടറ്ന്ന
വയസ്സന് തൊണ്ടുകള്,
വരണ്ടു ചുരുണ്ട പുഴകളില്
പ്രതീക്ഷയുടെ ചെളിക്കിനിപ്പുകള്
നേറ്ച്ചപ്പൂലിന്റെ കൈത്തോടുകളിലേക്ക്
വഴി തിരിയുന്ന ഞാറ്റുവേലകളില്,
ഞണ്ട് മടയുടെ തലമുറച്ചരിവുകളില്
നനവു തേടുന്ന പരിഭവപ്പാടുകള്,
കൊയ്ത്തിന്റെ വെയില്പ്പഴുപ്പിലേക്ക്
ചുണ്ടുകൂറ്പ്പിച്ചമ്പോറ്റിയും ഭക്തരും,
കലം കരിക്കണം, പൊങ്കാല നിറയണം,
രക്തം വാര്ന്ന്, മാംസമടര്ന്ന്,
മുടിനാരു ബാക്കിയായ്
പുനറ്ജ്ജനി നേടി, പിണയപ്പെട്ട
ഒരുതുണ്ട് കയറില് തുടം മുറുകുന്നു.
ചകിരിയ്ക്ക് പുകയും
മരപ്പെട്ടിക്കാണിയും
ഖബറില് കല്ലും കുത്തി
പിന് കണ്ണെറിയാതെ നടക്കാം
കഴുത്തില് കയറിട്ടതവരല്ലേ?
എഴുതിയത് : രണ്ജിത്ത് ചെമ്മാട്
Ranjith chemmad / ചെമ്മാടൻ
സമയം
11:26 PM
26
സുന്ദരന്മാരും സുന്ദരികളും മൊഴിഞ്ഞതിങ്ങനെ
![](http://img1.blogblog.com/img/icon18_email.gif)
![](https://resources.blogblog.com/img/icon18_edit_allbkg.gif)
Labels:
കവിത കര്ക്കിടക കലിപ്പുകള്
Monday, July 7, 2008
തണലിന് ഒരു തണല് മോഡല് കവിത
ഞാലിക്കുടപ്പന്റെ തൊലി പൊളിച്ചുള്ളിലെ
കണ്ണു കീറാത്തുണ്ണിയെ പുറത്തിട്ട്
കാറ്റു തേവിക്കറുപ്പിച്ചുന്മാദ നൃത്തമാടുന്നൂ
കവിതച്ചുടലക്കാളിയും ഭൃത്യരും.
തണലേ, മടങ്ങി വാ, കാക്കപ്പാതി താ,
പിന്നെ, ചേമ്പും ചേനത്തണ്ടും ചേര്ത്ത
കവിതപ്പുഴുക്കു താ,
സ്വന്തമാത്മാവിനെ ശംഖിലേക്കൂതി
നിന്പാമരനൂരിചുറ്റിനിന്നെത്തിരയുന്നു.
നീയില്ലാകുലത്തിനെ വേരില്ലാമരമെന്നോതി
യനൂപനന്തിയില് കേഴുന്നു.
വരികനീയക്ഷരപ്പൂക്കള് തുന്നിയ
പട്ടുമായീത്തണല്ച്ചില്ലയില് കൊടിയേറ്റാന്.
ഗീതമോതിയീ ബൂലോക വഴികളെ
ധന്യയാക്കുമീ ചേച്ചിക്കു നീയൊരു
കവിത നിറച്ച മുളങ്കൊട്ടയേകുക.
.................................
"അറേബ്യന് ദീപശിഖ" എന്ന കവിത ഇവിടെ വായിക്കാം
കണ്ണു കീറാത്തുണ്ണിയെ പുറത്തിട്ട്
കാറ്റു തേവിക്കറുപ്പിച്ചുന്മാദ നൃത്തമാടുന്നൂ
കവിതച്ചുടലക്കാളിയും ഭൃത്യരും.
തണലേ, മടങ്ങി വാ, കാക്കപ്പാതി താ,
പിന്നെ, ചേമ്പും ചേനത്തണ്ടും ചേര്ത്ത
കവിതപ്പുഴുക്കു താ,
സ്വന്തമാത്മാവിനെ ശംഖിലേക്കൂതി
നിന്പാമരനൂരിചുറ്റിനിന്നെത്തിരയുന്നു.
നീയില്ലാകുലത്തിനെ വേരില്ലാമരമെന്നോതി
യനൂപനന്തിയില് കേഴുന്നു.
വരികനീയക്ഷരപ്പൂക്കള് തുന്നിയ
പട്ടുമായീത്തണല്ച്ചില്ലയില് കൊടിയേറ്റാന്.
ഗീതമോതിയീ ബൂലോക വഴികളെ
ധന്യയാക്കുമീ ചേച്ചിക്കു നീയൊരു
കവിത നിറച്ച മുളങ്കൊട്ടയേകുക.
.................................
"അറേബ്യന് ദീപശിഖ" എന്ന കവിത ഇവിടെ വായിക്കാം
എഴുതിയത് : രണ്ജിത്ത് ചെമ്മാട്
Ranjith chemmad / ചെമ്മാടൻ
സമയം
7:09 AM
16
സുന്ദരന്മാരും സുന്ദരികളും മൊഴിഞ്ഞതിങ്ങനെ
![](http://img1.blogblog.com/img/icon18_email.gif)
![](https://resources.blogblog.com/img/icon18_edit_allbkg.gif)
Labels:
തണലിന് ഒരു തണല് മോഡല് കവിത
Subscribe to:
Posts (Atom)