ഊഷ്മളമായ ജൈവീക സമാഗമമായിരുന്നു ഒറ്റ നോട്ടത്തില് പറഞ്ഞാല് യു.എ.ഇ. മീറ്റ് ഫെബ്രുവരി!!!!!
മീറ്റിനെകുറിച്ചുള്ള വിശദമായ ഫോട്ടോകളും റിപ്പോര്ട്ടുകളും താഴെയുള്ള ലിങ്കുകളില്കൂടി കാണാവുന്നതാണ്...
മീറ്റിനിടയിലെ ചില രസകരമായ നുറുങ്ങുകളും ചിത്രങ്ങളും നിങ്ങള്ക്കായി പങ്കു വെക്കുന്നു.....
"ഉപ്പാ, ഉപ്പാ..., എന്റുപ്പാനെക്കണ്ടോ?"
ബിരിയാണി കഴിച്ചുകൊണ്ടിരിക്കുന്നതിനിടയില്
ഒരു കുഞ്ഞു പയ്യന് ഇങ്ങനെ ചോദിച്ചുകൊണ്ടാണ്
അവിടേയ്ക്ക് വന്നത്!!!
"നിന്റുപ്പാന്റെ ബ്ലോഗിന്റെ പേരു പറയടാ, എന്നാലേ ആളെ മനസ്സിലാവൂ,"
കോഴിക്കാലില് മിഷന് ഫെബ്രുവരി - 20, ഓപ്പറേഷന് നടത്തുന്ന
ഏറനാടനാണ് കാലില് നിന്ന് ചുണ്ടെടുത്ത് അങ്ങനെ ചോദിച്ചത്...
"തറവാടി"
ദി സ്മാര്ട്ട് യംഗ് ബോയുടെ ഉത്തരം ഉടനെ വന്നു...
"ആഹാ തറവാടിയുടെ മോനാ...അപ്പം നിനക്കും കാണുമല്ലോടാ ഒരു ബ്ലോഗ്!?
നിങ്ങള് സകുടുംബ ബ്ലോഗേഴ്സല്ലേ"
ഏറനാടന് കത്തിക്കറയുന്നു....
"നീയെവിടാ? നിന്നെ ഞാന് എവിടെയൊക്കെ തിരക്കി, വാ വന്ന് ബിരിയാണി കഴിക്കാം.."
വല്യമ്മായി കുഞ്ഞുവാവയായ ബ്ലോഗറെയും എടുത്തുകൊണ്ട് കടന്നു വന്ന് അവനെയും കൊണ്ട് പോകുന്നു...
"നിനക്കറിയണോ? കഴിഞ്ഞയാഴ്ച ഞാന് ഒരുറക്കത്തിനിടയില് അര്ദ്ധരാത്രി ഉണര്ന്നെണീറ്റാണ്
അച്ചന് എന്ന പുതിയ കവിതയെഴുതിയത്!!!!!"
ദോഹയില് നിന്ന് ദുബായിലേക്ക് ഔദ്യോഗിക സന്ദര്ശനത്തിനെത്തിയ
കവി, രാമചന്ദ്രന് വെട്ടിക്കാട്ട് തിരക്കിനിടയിലും മീറ്റിനെത്തി തന്റെ സൃഷ്ടിയെക്കുറിച്ച്
വാചാലനാകുന്നു....
"ശിവേട്ടാ, നിങ്ങള് 'കൂട്ട'ത്തില് മാത്രം പോസ്റ്റാതെ ചിലപ്പോഴെങ്കിലും ബ്ലോഗിലും കവിതകള് പോസ്റ്റണേ....
ഈയുള്ളവന്റെ അപേക്ഷയെ ശിവപ്രസാദ്/മൈനാഗന് എന്ന പ്രിയ കവി ഇങ്ങനെ പ്രതിവചിച്ചു :
"ബ്ലോഗ്സ്പോട്ട് എന്ന സൈറ്റ് തന്നെ കമ്പനി സെര്വറില് ബ്ലോക്ക് ചെയ്തതാ!! ഇനി എന്നാണാവോ
'കൂട്ടം'ബാന് ചെയ്യുന്നത് അതു വരെയുണ്ടാകും ഈ പോസ്റ്റിംഗ്....
അള്ട്രാസര്ഫ് എന്ന പ്രോക്സിയ്ക്ക് വൈറസിനോടുള്ള ആഭുമുഖ്യത്തെ നീരസത്തോടെ കാവലാന്
ഓര്മ്മിപ്പിക്കുന്നു..സെര്വര് കേടുവരുത്തിയതിന്റെ കലിപ്പ് ഇപ്പോഴും മാറിയിട്ടില്ല...
അമേരിക്കയില് അനോണി ബ്ലോഗര്മാര്ക്കുള്ള പ്രസക്തിയെക്കുറിച്ച് മുന്പിലിരിക്കുന്ന
ബ്ലോഗേഴ്സിനോട് കൈപ്പള്ളി വാചാലനാകുന്നുണ്ട്....
"നിനക്ക് ഞാന് വെച്ചിട്ടുണ്ട് ഭായ്, നിന്റെ ബ്ലോഗില് നാളെമുതല് അനോണിമാരുടെ ഭരണിപ്പാട്ടാകും"
എന്ന് എന്റെ തൊട്ടുമുന്പിലുള്ള ബ്ലോഗര് ആത്മഗതിച്ചത് ഇവിടെ എഴുതാതെ തരമില്ല..
"വീട് കൊടകരയില് ജോലി ജെബലാലിയില് ഡെയ്ലി പോയി വരും"
എന്ന് വിശാലമനസ്ക്കന്റെ പുത്തന് പാജിറോയുടെ റിയര്ഗ്ലാസില് വെളുത്ത നെടുങ്കന്
അക്ഷരത്തില് എഴുതിവെച്ചതു കണ്ട്,
"ഇതു മലയാളത്തില് അസ്സല് തെറിയാണെന്ന് പറഞ്ഞ് നിന്നെ ഞാന് സി.ഐ.ഡി.യെക്കോണ്ട്
കസ്റ്റഡിയിലെടുപ്പിക്കും"
എന്ന് വിരട്ടിയത് മറ്റാരുമല്ല.... നമ്മടെ സ്വന്തം കാവലാന് തന്നെ!!!!
അതിനിടയിലാണ് ആ ഫ്ലാഷ് ന്യൂസ് തേങ്ങാ മുതലാളി 'സുല്'സ്ക്രോളിംഗ് ചെയ്തത്!!!
ഏറനാടന് മുഖ്യ വേഷത്തിലഭിനയിച്ച "മണല്ക്കാറ്റ്" എന്ന ടെലിഫിലിമിന്റെ
സി.ഡി. അബുദാബി പോലീസ് പിടിച്ചെടുത്തത്രേ!!!
എന്തിനാണെന്നല്ലേ?....
ഏതുവിധ മൂന്നാം പ്രയോഗത്തിലും സത്യം പറയാത്ത പെരുങ്കള്ളന്മാര്ക്ക് ഈ
ഫിലിം രണ്ടു തവണ കാട്ടിക്കൊടുത്താല്
"സാറേ, ഞങ്ങള്ക്ക് ഇനിയും ഈ സില്മ കാട്ടിത്തരല്ലേ സാറന്മാരേ...
നിങ്ങളെന്തുപറഞ്ഞാലും ഞങ്ങള് സമ്മതിച്ചോളാം... അല്ലെങ്കില് ഞങ്ങളുടെ തല വെട്ടിക്കൊന്നോളൂ...
എന്നാലും ഈ സിനിമ ഇനിയിടരുതേ" എന്ന് നിലവിളിച്ച് എല്ലാം തുറന്ന് സമ്മതിക്കുമത്രേ!!!
ഈ സി.ഡി.യുടെ കൂടുതല് കോപ്പികള് ദുബായ്, ഷാര്ജ, അജ്മാന് തുടങ്ങി മറ്റ് എമിറേറ്റ്സിലെ
ക്രൈം ഡിപ്പാര്ട്ട്മെന്റുകള്ക്കുകൂടി എത്തിച്ചുകൊടുക്കാനുള്ള ഊര്ജ്ജിത ശ്രമങ്ങള് തുടര്ന്നുവരുന്നുണ്ടത്രേ...
(ഏറനാടാ എനിക്ക് ജാമ്യം, ഞാനല്ല, സുല്ലാണ് പറഞ്ഞത്!)
പ്രിയാ ഉണ്ണികൃഷ്ണന്റെ 'പ്രയാണം'എന്ന കവിതാസമാഹാരം നോക്കി
'പ്ര...ണ...യം...' എന്ന പേര് തെറ്റിവായിച്ച കുറുമാനെ നോക്കി
ബിരിയാണിയും കോളയും മിക്സ് ചെയ്ത് അടിച്ചാല് ഇങ്ങനെ ഫിറ്റ് ആകുമോ?
എന്ന് അനോണി കമന്റിട്ടത് ആരെന്നറിയുമോ?.....
ലാപുടയുടെയും വിഷ്ണുമാഷിന്റെയും ലീലാ.എം. ചന്ദ്രന്റെയും പുസ്തകങ്ങള് ബാക്കിയായപ്പോള്,
ഒരു ഫ്ലാസ്കില് ചായയും മറ്റൊരുപാത്രത്തില് കടല വറുത്തതുമായി,
'അഞ്ച് ദിര്ഹത്തിന് ഒരു ബുക്ക് വാങ്ങിയാല് ഒരു ഗ്ലാസ് ചായയും നാല് മണിക്കടലയും
ഫ്രീ' എന്ന് വിളിച്ചുപറഞ്ഞുകൊണ്ട് പുസ്തകവിതരണം ഏറ്റെടുത്ത കിച്ചുച്ചേച്ചിയെ
പ്രോല്സാഹിപ്പിച്ച്, " കടന്നു വരൂ 'നിലവിളികള്' വാങ്ങുമ്പോള് വളയിട്ട കൈയ്യാല് ചായ ഫ്രീ"
എന്ന് ചേച്ചിയെ പ്രോല്സാഹിപ്പിച്ചത് കൈതമുള്ള് മാഷ് തന്നെയായിരുന്നില്ലേ...?
ചുമയുണ്ടോ? അതിനിതാ ബെസ്റ്റ്! രണ്ട് വീതം മൂന്ന് നേരം ഇത് കഴിച്ചാല് മതി
എന്ന് ഹരിയണ്ണന് വിഷ്ണുമാഷിന്റെ കുളം+പ്രാന്തത്തിയുടെ കോപ്പി കൊടുത്ത്,
ഫാര്മസിയില് ഇരിക്കുന്ന ഓര്മ്മയില് മാറിപ്പറഞ്ഞത് ചിരി പടര്ത്തിയെന്ന് ആരോ നുണ
പറഞ്ഞതാണ്...
സലാലയില് നിന്ന് വിശാഖ് ശങ്കര് ബസ്സ് വഴി കൊടുത്തു വിട്ട വിഷ്ണുമാഷിന്റെ
പുസ്തകങ്ങളുടെ കോപ്പിയ്ക്കു വേണ്ടി ഹരിയണ്ണന് കാത്തു നിന്നതോര്ക്കുമ്പോള്...!!!!
"ലിബിയയില് ജനിച്ചതുകൊണ്ടാണോ കഥാകാരന് സിമി ഫ്രാന്സിസ് ഇങ്ങനെ തടിച്ച് ഇരുണ്ടു
പോയത്"
എന്ന് സംശയം ചോദിച്ചപ്പോള് മിണ്ടാണ്ടിരിയെടോ എന്ന് ഞാന് കാലില് ചവിട്ടിപ്പറഞ്ഞതാരോടാണ്..?
നിരര്ത്ഥകമായ ബുദ്ധിജീവി ചര്ച്ചകളോ സീനിയര് ബ്ലോഗര്മാരുടെ
ജാഡാവിലാസങ്ങളോ ഇല്ലാതെ
ഒത്തൊരുമിച്ച് തളം കെട്ടി നിന്ന ഒരു സ്വപ്നതടാകം പോലെ
വശ്യവും സുന്ദരവുമായിരുന്നു 2009 ലെ ആദ്യ ബ്ലോഗ് മീറ്റ്..
എണ്പതിലധികം ഘടാഘടിയന്മാരായ ബൂലോഗ പുലികള് ഒത്തു ചേര്ന്ന
ഈ മഹാമാമാങ്കം എല്ലാംകൊണ്ടും ഇതുവരെ നടത്തിയതില് വെച്ച്
വിശാലവും അവിസ്മരണീയവുമാണെന്ന് സ്മരിക്കാതെ വയ്യ!!
ആദ്യാവസാനം വരെ ഓടി നടന്ന് മീറ്റിനുവേണ്ട എല്ലാ സൗകര്യങ്ങളും
ചെയ്ത സീനിയര് ബ്ലോഗര്മാരായ ദേവേട്ടന്, അപ്പു, വിശാലമനസ്കന്, അഗ്രജന്
സിദ്ധാര്ത്ഥന്, കൈപ്പള്ളി തുടങ്ങി ഒട്ടനവധി പേര് ഒഴുക്കിയ വിയര്പ്പിന്റെ
കൂടി വിളവെടുപ്പാണിതെന്ന് പറയാതെ വയ്യ...!
അസാന്നിദ്ധ്യം കൊണ്ട് നിറസാന്നിദ്ധ്യമായ ഉഷേച്ചി, ചന്ദ്രകാന്തം, അതുല്യേച്ചി, തണല് തുടങ്ങി
ഒട്ടനവധി ബ്ലോഗര്മാരുടെ ഓര്മ്മകള് മൊബൈല് കോളുകളിലൂടെ പങ്കിട്ടെടുത്ത് അവരെയും
വേദിയിലേക്ക് ഓര്മ്മപ്പെടുത്തിയതോടെ നിറഞ്ഞ മനസ്സുകളുടെ കൂടിച്ചേരല്
അവിസ്മരണീയമായ അനുഭവമായി മാറി...!
യൂറൊപ്പിലെ തണുപ്പില് നിന്ന് രക്ഷപ്പെടാന് മാത്രമായി
ഐ.ടി. ജോലി ഉപേക്ഷിച്ച് ദുബായിലെ ഊഷരതയിലേക്ക്
കുടിയേറിയ വരവൂരാന്റെ ഷാര്ജ്ജയിലെ ഫ്ലാറ്റിനു മുന്നിലൂടെയാണ്
ഈയിടെയായി ദിവസവും പോയി വരാറുള്ളത്...
തൊട്ടടുത്തുള്ള ഈയവതാരത്തെ ഈ മീറ്റില്ലെങ്കില് ഇങ്ങനെ കാണാനും
അടുത്തറിയുവാനും കഴിയുമായിരുന്നോ?
നസീര് കടിക്കാട്, നജൂസ്, മൈനാഗന്, രാമചന്ദ്രന് വെട്ടിക്കാട്, വരവൂരാന്, പകല്ക്കിനാവന്, സുല്
തുടങ്ങി പ്രതിഭാധനരായ കവികളാലും സമ്പന്നമായിരുന്നു ഈ കൂട്ടായ്മ എന്ന് പറയാതെ വയ്യ,
കൊടകരപുരാണത്തിന്റെ മുതലാളി വിശാലമനസ്ക്കനെ കുടുംബസമേതം കാണാന് സാധിച്ച നിറഞ്ഞ സന്തോഷം
പുതു ബ്ലോഗര്മാരും മറച്ചു വെച്ചില്ല....
ഹൃദ്യമായ വാചാലതയില് പ്രിയങ്കരരായി കുറുമാനും കൈപ്പള്ളിയും
താരതമ്യേന പക്വമാര്ന്ന നിശബ്ദദതയാല് ശ്രേഷ്ഠനായ് സീനിയര് ബ്ലോഗര് രാജീവ് ചേലനാട്ടും
നിറഞ്ഞു നിന്നപ്പോള്, കൈതമുള്ള് മാഷും അഞ്ചല്ക്കാരനും സജീവ സാന്നിദ്ധ്യമായി
ഓടി നടന്നു.....
പേരോര്മ്മയില് നില്ക്കാത്തതും ഒറ്റപ്പരിചയപ്പെടലില് പച്ചകത്താതെ നില്ക്കുന്ന
പുതിയ ബ്ലോഗര്മാരാലും, ബ്ലോഗ് രംഗത്ത് ഇപ്പോള് സജീവ സാന്നിദ്ധ്യമാകാത്തതും
എന്നാല് വര്ഷങ്ങള്ക്കു മുന്പേ ബ്ലോഗിംഗ് തുടങ്ങിയ ആചാര്യന്മാരാലും സമ്പന്നമായ
വേദിയില് കൊച്ചു കുഞ്ഞുങ്ങളുടെ ചടുല സാമീപ്യവും ഹരം പകര്ന്നു...
പതിവു പല്ലവി പ്രകാരം വെള്ളിയാഴ്ച ബ്രഞ്ചിനാണ് ഉണരുക...
ഇത്തവണ അലാറം വെച്ച് ഏഴുമണിക്കുണരുമ്പോള്
ഈന്തപ്പനംപട്ടകളില് നിന്ന് മഞ്ഞുതിര്ന്ന് തുടങ്ങിയിട്ടില്ലായിരുന്നു...
തണുപ്പുകാലത്തിന്റെ നിത്യസന്ദര്ശകരായ,
കഴുത്തില് കറുപ്പു രാശി കലര്ന്ന,
വെണ്മയാര്ന്ന കടല്ക്കാക്കകളുടെ വെള്ളച്ചിറകുകളിലേക്ക്
ഉദയം പടരുന്നതേയുണ്ടായിരുന്നുള്ളൂ...
ഷാര്ജ്ജ കോണ്കോര്ഡ് സിനിമയ്ക്ക് മുന്നില് കാത്തു നിന്ന
'കാവലാ'നുമൊന്നിച്ച് തൊട്ടടുത്തുള്ള
പാര്ത്ഥന് ചേട്ടന്റെ ഫ്ലാറ്റിലേക്ക് എത്തിയപ്പോഴേക്ക്
ആവി പറക്കുന്ന സാമ്പാറും ഇഡ്ഡിലിയും ചട്നിയും,
മേമ്പൊടിയായ് ഞാലിപ്പൂവന് പഴവും റെഡിയാക്കിവെച്ചിട്ടുണ്ടായിരുന്നു,
പാര്ത്ഥന് ചേട്ടന്റെ ശ്രീമതിയും ബൂലോഗരുടെ പ്രിയ കവിയിത്രിയുമായ ചന്ദ്രകാന്തം!!!
പാര്ത്ഥന് ചേട്ടന്റെ കാറില് സബീല് പാര്ക്കില് എത്തിയതിനു ശേഷമുള്ള
ദൃശ്യ വിസ്മയങ്ങല് ഫോട്ടോഗ്രാഫിയുടെ കുലപതികളായ മറ്റു ബ്ലോഗര്മാരുടെ
പോസ്റ്റുകളിലൂടെ ഇനിയും കാണാന് തുടങ്ങുന്നതേയുള്ളൂ....
വിലകൂടിയ ക്യാമറകളും ലെന്സുകളുമായി ഒക്കെ എത്തിച്ചേര്ന്ന
പാര്ത്ഥന്, അപ്പു, ദേവേട്ടന്, വിശാലന്, കൈപ്പള്ളി, അനില്ശ്റീ, പകല്ക്കിനാവന്
തുടങ്ങിയവരുടെ പോട്ടത്തിനിടയില് എന്റെ ഈ ചെറിയ കനോണില് പതിഞ്ഞ
വികലമായ ചിത്രങ്ങള് വെറുതേ ഇതോടൊപ്പം ചേര്ക്കുന്നു!
ഒരു മനസ്സമാധാനത്തിന്!!!
![](https://blogger.googleusercontent.com/img/b/R29vZ2xl/AVvXsEimhCCOJVYBZ6mF-07vRjjJCluweNViHcLwQfJgvOY4GlaVNK2rphYp-EeY0x7if4-zo8LYOr7L7eOX_Gec8rLOsISL9mpoAU1-DkLnYrnHGF1y8jTOJx2X6QsGfzEcxrTZZZf-QqSt4FoL/s320/dubai+meet.jpg)
മഹോല്സവത്തിന്റെ വേദി, സബീല് പാര്ക്ക് ദുബായ്
![](https://blogger.googleusercontent.com/img/b/R29vZ2xl/AVvXsEi76Dz4oejdKqcfjWZc8ohynSauSrpVGEO-1_RQ2xkUSIHYKHUmT9geh9OH0T3ex7rg1Kjx7yfCwGxdFPevakBU9U_KCL_i5a3kjeWwLcB7aANSBV0iSxMzGNBzZ7c004Y4rlPUCmHztZac/s320/vazhi.jpg)
വഴി, ഇതിലേ നടന്ന് ഫസ്റ്റ് റൈറ്റ് എടുത്തോളൂ...
![](https://blogger.googleusercontent.com/img/b/R29vZ2xl/AVvXsEgiq9YQYKT237ctLiW1qQfz81aPJ_Zmu6b9pOZBWavRfl_t9PQsVHAwiU2yaIykkcR81g9a3yMuFeufLCkpcNBCVwSrmac_qn0e4kzEpnPNSh3xQb9DD7a4MyEsndZlI9mokWuKgrS_blvY/s320/meet+21.jpg)
On Road....
![](https://blogger.googleusercontent.com/img/b/R29vZ2xl/AVvXsEhJkCskdQx2oTyzhpFjAXMHCv8_WZg51vuoamWy8s87Yo3BMPWBXc_8gPJjr_bLii85Mse99JBaaonZAoj6rKNT1iNKPDGMMPeqjTEnAd6vrqA4-UhixFTnRojxt_diS-9KPQDpkOouLKu1/s320/meet+20.jpg)
ബ്ലോഗര്മാരായെലെന്താടോ? ഒന്നിറങ്ങി തള്ളിത്തന്നൂടെ ട്രാഫിക് ബ്ലോക് ആവുന്നത് കണ്ടില്ലേ?....
breakdown on the way...
![](https://blogger.googleusercontent.com/img/b/R29vZ2xl/AVvXsEjZmof7UW-ZjrD96GWBaoMPR_rLIagEVtgRz-JX008r4FFsj7x2-sT5h32IjnZODzlMO0S13aEVQrOmS8GqKuFkqpap1fvklVaXCYxLT2rua1DhhyphenhyphencrWs3lN9e0e6cJH0rpeTXAkgdW-MRt/s320/IMG_0075.jpg)
തറവാടിയ്ക്ക് ചായ കിട്ടിയോന്നാര്ക്കറിയാം (വല്യമ്മായിയും സംഘവും)
![](https://blogger.googleusercontent.com/img/b/R29vZ2xl/AVvXsEiPebvHN8HISNZdmI6EWOGDBiUUDSeOso2L40ik-nlYtPdVTeqSeb7imp9RxKIjPrhDbZ1v6B882j11WZA7HBrpp9iMIKiNLM98V4PrTYiZ3J3tdWi3O4fHmOjhx26wESdG-_8MEhfkh9dH/s320/meet+26.jpg)
വിശാല മനസ്ക്കനും വിശാല മനസ്ക്കിയും
വിശാല മനസ്ക്കിനി ജൂനിയേഴ്സും...
![](https://blogger.googleusercontent.com/img/b/R29vZ2xl/AVvXsEhiSvsLCsHjufMzXJCEhMo3sX7E5ZsN1suKgUa_yZ_21WoL6i4oubmvoLvj2eqst8B153RespreEsKQ9cL7MQ6Ex2-KiO6Q2VbcvbmP2IFfccaABFOi0IV7i1qslGj4Jgh96w9yso41ZZb9/s320/meet+30.jpg)
പകല്ക്കിനാവനും കിനാവിനിയും കിനാവാവയും
![](https://blogger.googleusercontent.com/img/b/R29vZ2xl/AVvXsEhfke_TkXot5USn1wCfBQ6fkgksxcDUX5M2XI_Ofpl_xMMR3-o6vs-4MwkgSLZMNKHmqY3Qu0YHVTi1SSHz8NeT157hy_LHK_k5nN5iipPco3_HJNx4KKIVwScoEdO3_nXD7SElVBbb26o6/s320/meet+23.jpg)
"വീട് കൊടകരയില് ജോലി ജബലലീല്, ഡെയ്ലി പോയി വരും"
![](https://blogger.googleusercontent.com/img/b/R29vZ2xl/AVvXsEj41tAM1FSW5tQ4mZRTGmi0oHyj0KvfR6DIM7WbogriwOZOm1zzKoxGbiu7uGl-pSaQ9139GnKxDLqkTMh_sq7_gFTFuK2bYRILUbGRdiNNVXJ_zVOS_KnOoe_lqf42sO5c_Qk3mYfFARQj/s320/meet+22.jpg)
"വീട് കൊടകരയില് ജോലി ജബലലീല്, ഡെയ്ലി പോയി വരും"
ബ്ലോഗ് ഡിസ്ക്രിപ്ഷന് വിശാലന്റെ വണ്ടിയിലും...
![](https://blogger.googleusercontent.com/img/b/R29vZ2xl/AVvXsEiy3z0D5OywDmvr6IOg4SSx0jUkTNsv2lWLAlLC6YX1xM8f0BN88MXlbPWOCWGklzMpgX7hhfMQkluAWXT0dtEDC5DOfVgvNTTLeKc4Jt8Hn4q_BkX3r31T6BiPSAVtWHCvo3Ad8_NETLdD/s320/IMG_0077.jpg)
ഈ ഭൂമീന്ന് പറഞ്ഞത് ഉരുണ്ട ഒരു ഗോളമാണ്!!!!
കൈപ്പള്ളിയുടെ കത്തി....
![](https://blogger.googleusercontent.com/img/b/R29vZ2xl/AVvXsEj-elYKHpD3U1uYWU4wru5psaBtLNfLp95J9gV3FPdhtAK0RwKw02_EUwDxiJcejY_WaqhmAbUCVFXjYQkRNa7JHYAsXG2FSsugHPiOW8tpPGMNrrMRMkmsbnJVtcLup4p28M22WoiAveMT/s320/5.jpg)
കാവലാനാണോ കനലാണോ കൂടുതല് ഉയരം...
![](https://blogger.googleusercontent.com/img/b/R29vZ2xl/AVvXsEjqnUCZBIBVV3ASsxKwFJMEPiRQh1_3bZKw4scDsySB3Sessyvo2ovgHPchO_67eOUrs0HJB0_ajBOl2fqGFcS_GC2DRB2ja-oVtgNtAIt9_Rn0vrOhnLSjipejIyQrRBWiHkd-GCRAlJy9/s320/3.jpg)
ഞാന് സമീഹ, ഇന്നെന്റെ പ്രോഗ്രാം കൈരളി ടി.വി. യിലുണ്ടേ
കാണാന് മറക്കരുത്...
![](https://blogger.googleusercontent.com/img/b/R29vZ2xl/AVvXsEhVYb5qEtdlA8zDmLoioCG-Ymu0AHIKi4qFVUIcVrUEHAIqmXjxXSEm57pgeG_HcgvqIn-fzpeXjOZkZNegAdQQvt20vdCRSKYhAihVQtoCl983CrXIZi1hQjBBHXMzLcQXwjcDXE_4dxAH/s320/2.jpg)
ഫോട്ടം കിടിലനായിരിക്കണം, അല്ലെങ്കിലതിന് മെനക്കെടരുത്
![](https://blogger.googleusercontent.com/img/b/R29vZ2xl/AVvXsEh2nkUkp97XTk4uC6byRmsqLZyOlDdf0PpqR-b31Ps-e9POQtEYra2isQXQw0pmwTJyLOpr1aIJOZTVMkx2oP3SbmYOf5JjDZQzkxqCG-vP-de1mjomFGtdW0mk1NmyyQO7NLNChgHvuVyt/s320/meet+14.jpg)
അത്തള പിത്തള തവളാച്ചി....
(ഇതതല്ല പോട്ടം പിടിക്കുന്നതാ)
![](https://blogger.googleusercontent.com/img/b/R29vZ2xl/AVvXsEhxw7w_El1DaA8mw3YtKES107Ru1m7GPrG15py3ssjS-GlR_xsa1KaWU71J1X5Kzy6FzRp9HCiGgJYOStVxu00V7RCagWalkJ9Sp9VkIV5I2aUlCsY3oH3om4Ilbw9WGTZ8I0DYC-zg6jGs/s320/meet+13.jpg)
ഞാന് പാര്ത്ഥന് ഗാണ്ഢീവം എന്ന ബ്ലോഗിന്റെ മൊയ്ലാളി...
![](https://blogger.googleusercontent.com/img/b/R29vZ2xl/AVvXsEhccfxNZMiIQznJ-sU4p_MLVJiLb9fEew0kLoB7k_SzB8FGyvjk9RrtjgOs59u4pCMFfqxm_bhdFYb6R70HA42_9rdz5ZSjmJZPsVwHVNA_0U_EltDboNgTBc9ZzfH_o_4G5Nha0XMF67Qc/s320/meet+12.jpg)
ഇതിന്റെ ഓരോ അഡ്ജസ്റ്റ്മെന്റുകള്...ഓട്ടോ ഫോക്കസാ ഗഡീ നല്ലത്..
![](https://blogger.googleusercontent.com/img/b/R29vZ2xl/AVvXsEiI5Xq_mY7TO4cTy65IT3AYNn6OkLIEN89BzLDyH6ZrCvlEp6bY5EMRY-F-f9KuL901DduO3M-TUeoGycCJwyldrSNMEMPihagSa7kZ_8STQ8x29cmcwpcIpuMSbEaYdrx-RHeZKsQ2xi8k/s320/meet+48.jpg)
രണ്ട് സുന്ദരന്മാരോടൊപ്പം........
സാല്ജയോടും ഉഗാണ്ടയോടുമൊപ്പം...
![](https://blogger.googleusercontent.com/img/b/R29vZ2xl/AVvXsEhpV8V2R40rRLYnZmGoiaymXfxjZ0CrAgzuAjngmqe6VH0PYQO00bqryrujwUnScngRgT_WgxWDP-kGnnb-yWzBP27D6E8BU9As0ki28BuYA9io_Db2pS6cQA6JPwAXlG-jC8EZ-QqiQeEP/s320/meet+46.jpg)
ഡേയ് പുസ്തകത്തിന്റെ കാശ് തന്നിട്ട് പോഡേയ്..
![](https://blogger.googleusercontent.com/img/b/R29vZ2xl/AVvXsEigGdujeCF8h7OO195TlQ7Mx7ViOr_qsN3_IfFAvVx2y7qTgd33CADyMsCUAOMZ0Rj4Uxa6LPUvGO1EU5VWU9eCUZSQR6UwZrOdujqg5oeiKl0I2BiYtDKyooUymcblvABeBen4MoaaHJqH/s320/meet+44.jpg)
ഇങ്ങനൊന്നും ആയാല്പ്പോരാ, ഗൗരവപരമായ ചര്ച്ചകളും നടക്കണ്ടേ?
പാര്ത്ഥന്, രാജീവ് ചേലനാട്ട്, ഷംസുദ്ധീന്....
![](https://blogger.googleusercontent.com/img/b/R29vZ2xl/AVvXsEjgj26Ke9obI4_HQGruOk-by1lHCa-dmOBErCOPC8mcZZun-oXf9ySQ7a-8CaiA5roMQeGVOU5L1Kev4xwvhVS1bIihwQIi_BPqWR9UbKfGIw0VD3RR6yTrCkclssNiw2DoCy3YBD9mSPc0/s320/1.jpg)
ഉണ്ണിയപ്പം ....
![](https://blogger.googleusercontent.com/img/b/R29vZ2xl/AVvXsEhKht8ihWaIl0ZBDT8WVbvkF_mQOfCECQysHIPPUtD56EG8zKsRSQMIjGOGr2iTuVt3PgCmTQ5_y0VYDDxGGJZT3kbSGYL7Fxtl1UJ8lXOY1tn6-CHEkyJOt9XlBy0b5DV_4gytLBks1307/s320/meet+11.jpg)
മാഷേ 'പരോളൊ'ന്ന് കാണിച്ച് തര്വോ?...
സങ്കുചിതന് പരിചയപ്പെടുത്തുന്നു.......
![](https://blogger.googleusercontent.com/img/b/R29vZ2xl/AVvXsEiC-Oce13jx5Z_E_-LTrTOe0Et8z8eKzSiLjzIUseF4zZbXXUyzoQdy12IwIoHXSz65z-J4ccNGwzChKi935LQ-0Ze6-6fxG3YhcmP1YbV-X87abOjRCHLj2aP2yB0wrH6QmToTbI3bJ7EE/s320/IMG_0159.jpg)
കല്യാണമിങ്ങനെ നീണ്ടതോണ്ടല്ലേ!!!!
അല്ലെങ്കില് ഞാനും ഇങ്ങനെയൊരു കുഞ്ഞാവയെയും കൊണ്ട് വരുമായിരുന്നില്ലേ...
അടുത്ത മീറ്റാവട്ടെ കാട്ടിത്തരാം.... ഉഗാണ്ട രണ്ടാമന്റെ കുണ്ടിതം.!!!!!
![](https://blogger.googleusercontent.com/img/b/R29vZ2xl/AVvXsEhacv5mdHCyo1jmzEwlEc8G3KZRbOdGg1N_DeXzQBW19hQDSBP1VYT5la5OcLfMcBUTUVAVU2lnfT9D6sfuB1YWtgtzDiS8KRcK4Bw9B0A2jUZaS_YDLmTbAuI0RlMHBlnvO-PJrQStEjVV/s320/meet+19.jpg)
ഈ വിഷ്ണു മാഷൊരു സംഭവം തന്നെ
എന്തായാലും 'കുളം + പ്രാന്തത്തി ഒന്ന് വാങ്ങിയേക്കാം)
യൂസുഫ്പയുടെ ചിന്തകള്..
![](https://blogger.googleusercontent.com/img/b/R29vZ2xl/AVvXsEhBFP4wsBCoQtRuXEi4kjBIGO5mDKz6gMNkSlRdKHd7XbsIP4eq8mYWCMzxoUVcCMHggcpYDKBxLUyW3dZNMLiM-St3LocC6xzJDd2JNdpzQij29AXTs9EX8qNmi7FhPxgr4igXuW38y3qq/s320/meet+17.jpg)
ഈ ടെന്റിന്റുള്ളില് കേറി രണ്ടെണ്ണം വീശിയാലോ?.
അഗ്രജന് വലിയാനുള്ള പ്ലാനില്
പ്രിയ കവി നസീര് കടിക്കാട്, മൈനാഗന്, രാമചന്ദ്രന് എന്നിവരോടൊപ്പം.....
![](https://blogger.googleusercontent.com/img/b/R29vZ2xl/AVvXsEiHrDdjLzL6o44PfHkLyKjRn2M23ysJnZW1nDhxKE8Jjgs1x3nvWbimS8RcW50oPuAwA8Z9sIILVn8656TIBcnGZN7zXynrfiZvxZu2j7DsbbPK3NFyy47Hyv76Y1EHHHwtb97uZ87Z49tc/s320/meet+18.jpg)
'ചിലന്തി'ക്കെങ്ങനെ ചിലവുണ്ടോ സിമീ?
ഒരു കോപ്പി ഫ്രീയായി എനിക്കു തര്വോ കൈയ്യൊപ്പിട്ട്.....
രാജീവ് ചേല്ലനാട്ട് സിമി ഫ്രാന്സിസിനോട്..
![](https://blogger.googleusercontent.com/img/b/R29vZ2xl/AVvXsEj90s_xJIl45-EGBdu4_KsSHFab94c8wb1KdA0qQeQROFHkiRScLRDss_lXB4_JrdKHh-lAJx36_EZNOECzOY9PoRcTVp_eVP6IG-zGg0NitpWBFJAOTygis_VP85TkfwOO1CPvUa47qR5c/s320/meet+15.jpg)
ഇങ്ങനൊന്നും ആയാ ശരിയാവൂലെടീ, നമുക്കും ഓരോ ബ്ലോഗ് തുടങ്ങണം....
എന്നാലേ ഇവരുടെയിടയില് പിടിച്ചു നില്ക്കാന് കഴിയൂ...
![](https://blogger.googleusercontent.com/img/b/R29vZ2xl/AVvXsEg4zoxd4S1cNiuwG_JM-rWq8hAMBolLq6CUWjRgAB18XO70s6d6mvZPiEu446qIPbtN8usOq2eAtOwESAingsoNaFzazgf8z8TkSkY2fzlH8Bzartup9aLAn2AIDV5IfabEp5zgk5Z4AEPp/s320/meet+16.jpg)
ഈ കത്തി കേട്ടെന്റെ നടുവൊടിഞ്ഞു....
![](https://blogger.googleusercontent.com/img/b/R29vZ2xl/AVvXsEhRViwLEWnZrGpgrwCGZCYgc8NpTgQ4D_COdip6wM24y7MrzpowxZOdtIKqFWDhD-nNQzGgQeOSeOOSBCS-wrGuCjmUscLvBTt_yOxxYCNuq0uzjRcq-eUrpJoo8NWOaLHyLQqE2EUC3mMu/s320/meet+43.jpg)
ദോഹയിലോട്ട് വരുമ്പൊ വിളിക്കണം...
രാമചന്ദ്രന് വെട്ടിക്കാട്ടും അഞ്ചല്ക്കാരനും...ഏറനാടനും
![](https://blogger.googleusercontent.com/img/b/R29vZ2xl/AVvXsEjyXdXN3QDmrtuScPZ-PQidqcnBx3BYe0daV27COfzc0-D0bNAAC1r38vJV_Zf1crxder8q-40XLpCfZCt4bKIVfz6w4l4pefgzfPahqITosIDaLw5MrHuxCrSK2aC8VS1rjTiWL8MQvsyM/s320/meet+42.jpg)
ഇതൊന്ന് തീര്ത്തിട്ട് വേണം അടുത്ത ഫോട്ടോയെടുക്കാന്...
ഫോട്ടോഗ്രാഫര് കൂടിയായ ഷംസുദ്ധീന്
![](https://blogger.googleusercontent.com/img/b/R29vZ2xl/AVvXsEhXs1BuW1IFiyvsoc1wvusCjshEbm5Aqkndc2wGvQjGgT8hzXyVUvMbewbGxNJQ0K-Mv3oHnsev_3dkBjYF4BHn50AE3OrFHuJpo-wG5lvL0QmLGtajSLR7QVFxaffz9PJ-6pSz0Ih0fhiP/s320/meet+41.jpg)
കശ്മലന് ഒരു നാണോമില്ല, ഒരു മുണ്ടുടുത്തൂടെ?...
അഗ്രജന് മരത്തിന് മുണ്ടുടുപ്പിക്കുന്നു...!
![](https://blogger.googleusercontent.com/img/b/R29vZ2xl/AVvXsEgvvzsRZsbSuBTzwExHXjuUAKHzQguqHuviBDuzqWXqiBQkvAvSpXbFIBMKEf83y2ZczaPig-qZcqbSyTSpKGg5e59_ylRsVkKW3XAHyMJ-aId52CvCbRfY8tp6QrIVwZmyTZ7chuDB61VH/s320/meet+35.jpg)
ഒരു പപ്പടം കൂടി തര്വോ? കരീം മാഷിന്റെ വിഷമം
![](https://blogger.googleusercontent.com/img/b/R29vZ2xl/AVvXsEhGOalZgu5fTKaxfo07CVjgIx9IiQAxHOdlfuE9ZbB_XEuwiKzRdBOSMkfSIXXt4u-lRDxm-NvLuJdPapgLISBYVIkf8l-dRviw6LkDiCs4jeARYtvvIUQ7-eVvp5PqQ9HZmEaELOJ7IP3f/s320/meet+34.jpg)
ആ വെള്ളം മുഴുവനും കുടിച്ചോ വിശാലേട്ടാ അടുത്ത പോസ്റ്റിടാനുള്ളതാ....
![](https://blogger.googleusercontent.com/img/b/R29vZ2xl/AVvXsEg25l7mGqHugYMWAtgahTlMJ0oVw8o-26wLRGGB571uBPax_Nq3Bkr2CouJ5Pppqk2Fb51Dee5AXUnURQ4ow3oZxORtLISDOcpjxw9i4Z8uzMR8YrYnjrAy7IJowk0JWQEOR5sYPCGwjrpo/s320/meet+29.jpg)
ഹൗ, മുളക് കടിച്ചെന്നാ തോന്നണേ....
![](https://blogger.googleusercontent.com/img/b/R29vZ2xl/AVvXsEid1Y_70rY3DRf-aZ7hTzKYL19kCo6d_jUXurD92xc1NtG5iS7bBtmWyHKFBJHzsp4cnZzfB8CNhRJaUF7FsB0Wg3wk14aKprgnrwhL6RgADyz3cZiL7QXmzbTrEqE1VwzzoR2baNrNFCzu/s320/meet+28.jpg)
മധുരം, ശ്ശി കുറവുണ്ടോ?....
ബ്ലോഗര് കിച്ചു, അണ്ടര് ക്വാളിറ്റി കണ്ട്രോള് ടെസ്റ്റ്....
![](https://blogger.googleusercontent.com/img/b/R29vZ2xl/AVvXsEg62JbuvhwughPt-ObggFAWrF_VbUfaNN0P_WHB1LuKrepCMZbhImscee8JBchngGa3RCvkiyNBiXrH6yo4NdD-x9H7i48GP0LmwclY_7RS2JUkcH8pokzTQuRJn2DB5TAtloE9rxOibugT/s320/meet+27.jpg)
ആ വടം കിട്ടിയാല്........ ഒന്ന് വലിക്കാമായിരുന്നു....
![](https://blogger.googleusercontent.com/img/b/R29vZ2xl/AVvXsEgU6buDDiS-zLRbJDR93bHG3KVydwnD-kLuVQv0rT2p-pc7uK9ujPGKmtBDl1NORhi_mxiBNFAzNjUazrguG9lMIt9V6T7FvD4daTQfrYeeU3xtbvSKKcvUEZO8ynRlZ3bavNdXZUHqHqLy/s320/meet+25.jpg)
പഞ്ഞിമുട്ടായി, പഞ്ഞിമുട്ടായിയേ.... ഇടവേള...
![](https://blogger.googleusercontent.com/img/b/R29vZ2xl/AVvXsEhvFa9lIet1HH0Rh0b18iqhx8bEqYopHxVS1-kVPPSy3-V44PpP54swvxBs5U3GE8KRnx6KNdAH4C_SUI0OnRqmmiU1g2-4S1tbycFlI0wmw-fh7tOUy3r8RYOdglrYAP1K9NhhETYiww66/s320/meet+24.jpg)
അല്പ്പം കോണ് ആയാലോ?
![](https://blogger.googleusercontent.com/img/b/R29vZ2xl/AVvXsEggUmtVrEifhczo-gTIRFDfFsPIUJic3R8j6Oh-zNG2JmX034Pk6xYjHWss0L7Zq2rU0JFXRMCYYsA9DdQ8kp5Jmwk4LiejBFwohGKrto2ooYfAoS9DwDPXyB8roa5-5WrKT_mq-Jd8JtyT/s320/meet+58.jpg)
ഇന്നലെ രാത്രി ഇത്രേ അടിച്ചുള്ളൂ..ന്നിട്ടും മണം വരുന്നുണ്ടോ?
കൈതമുള്ള് മാഷ്, രാമചന്ദ്രന് ശിവപ്രസാദ്/മൈനാഗന്
![](https://blogger.googleusercontent.com/img/b/R29vZ2xl/AVvXsEi0eclTfDRjagAz_bCZ2bUTEfsum-Wzy-Kqs8gZLkseI1cRgp2IK1wXBXjAQwI2y-C7Wae7dSXw1tc5rSZoJ2d0Q5vJHASP3rfgxMApVeyPUz4sfIUwjV13E-u_ocMYsl2pQ3OS8mBQf3rm/s320/meet+56.jpg)
അതേയ് കിലുക്കാം പെട്ടീ ഞങ്ങളിവിടെ തകര്ക്കുകയാ....
ശിവേട്ടന്, രാമചന്ദ്രന്, മീ, ഹരിയണ്ണന്, കൈതമുള്ള് മാഷ്...
![](https://blogger.googleusercontent.com/img/b/R29vZ2xl/AVvXsEgiZF-OOLPGP0CmVy_E4F4drJ-6GYi19AsXuydzO-Osw6wg4443ODp6csugzhYNzL3XcS_kmVPFG6wSfQRei_m-GeD944uFDwaVTCS4PtUrTeH8AGimnz62biwIS04UOfoqkLEtO8IoBGpL/s320/meet+55.jpg)
എന്റെ പോട്ടം ഒറ്റക്കിടുത്താല് മതി : പൊതുവാള്
![](https://blogger.googleusercontent.com/img/b/R29vZ2xl/AVvXsEgFCpedLZM438GdYY7kIS12wHW_2a4NdGsUN5D4GJ_kjDfVMGoCCU8eZ2rc2SoDWNcVWRSyxlCSAQpdTkbDs3fzYTJDCOWlxTbC3_tMNaJUoi0Yz70WRYQhMBe0JzcVly9oJvYpfN7LC_BD/s320/meet+54.jpg)
കൈപ്പള്ളിയേക്കാള് വല്യ ലെന്സെന്റമ്മോ!!!!!
![](https://blogger.googleusercontent.com/img/b/R29vZ2xl/AVvXsEhlpJJtEF7rniaqt_ih2KvdLKhr3gcFC47yHkIP6W0AolfzymjCckEx7eBzxI6wag8hVo2s-ak-5p3IJfQYHg-GVi4HUw9tk5qjFIQbsV40_u6Q1XqRE6ijqREzBxV4TbObvbxoBqv4ZoIQ/s320/meet+52.jpg)
ഹരിയണ്ണന് കനല് വിശാലന് ഞാന്....
![](https://blogger.googleusercontent.com/img/b/R29vZ2xl/AVvXsEjsgAEGDAcjiSG8twiXkulwZKCgaWx3lGKpF1kqNo81Lv4Vq-RlAU4hjfmC95FxRj2HgwsC1xBZrKEy87EJdB4o4fCJRkGsNhRMPowYWblj-dj4XhC0fqZ3FML_7lFXekf7zGRi-semmGGm/s320/meet+62.jpg)
ഇതു കിടിലനായിരിക്കും!!!
ശിവേട്ടന്, കുറുമാന്, വിശാലന്, സിദ്ധാര്ത്ഥന്, സിമി....
![](https://blogger.googleusercontent.com/img/b/R29vZ2xl/AVvXsEiarSog7NP4vabTdMRUb1XYSWGA5kwpMG3wvPjOzAxKSshjq1G6D1tLui75uHwY6EmdmCm_0TGqyMqkdfPLPTgB61j04tU6frD_ZFVhV2WEuR7jX39I6Smz2mH8zaDZFo4QfZ_8vknQCgCN/s320/meet+70.jpg)
ഞാന് മൈനാഗന്...
![](https://blogger.googleusercontent.com/img/b/R29vZ2xl/AVvXsEhqAoO0iYkTlVXK5xLbTlkRzHdYIH-gyKjXYoT_N-mcs-kB2QOjY1ejFwKza7pMzUaOyISCzMgVMjxJH6ekLSn2e-dSB7fpmQ8sZwG4HTTLwfm642_iAOQaSIYD6YT_O59K50zAJIXZTSTy/s320/meet+66.jpg)
ആരുവാടേ കൂടുതല് ചുള്ളന്?
ഉഗാണ്ട രണ്ടാമന് ഏറനാടന്
![](https://blogger.googleusercontent.com/img/b/R29vZ2xl/AVvXsEhAr36V2rxAanZoXnH0crqBXBuSfkkVA0O_IyD6luhXUdcnfGJtDdJuPtxc_xXSuEms0RrpNPe2GZk_vCgtquSz1_lhBV3ZEt91cmDJN0rSLg2HN7NFgeZdaha8YmIrr-151UlV_ABW4ss-/s320/meet+45.jpg)
നമുക്കീ വാരഫലം ഇനി ദിവസഫലമാക്കിയാലോ?
അനില്ശ്റീയും ....അഞ്ചല്ക്കാരനും...
പുസ്തകവില്പ്പന.....
പുസ്തകവില്പ്പന.....
![](https://blogger.googleusercontent.com/img/b/R29vZ2xl/AVvXsEgjwa-GCnD5f7MztbBb1keuFnK3fa4r2Tuk2_pRntKXsaWUQDU3nY7QuXmJ4Y8dx_8EapfeluUH61gsdOJTH-F9unjL40pfWq0IF7hkaNrlYWw1GqyPcQmmG-wwWASlMuMz-aiZs24HaBdB/s320/meet+33.jpg)
എന്റെ ക്യാമറ വലിച്ചെറിഞ്ഞ് ഞാനീ നാടു തന്നെ വിട്ടു പോകേണ്ടി വരും
ഇതിനിടയില് പിടിച്ച് നില്ക്കാന് കഴിയില്ല...കട്ടായം...
കൂടുതല് ചിത്രങ്ങള് ഇവിടെയും
ഇവിടെയും കാണാം
യു.എ.യിക്ക് പുറത്ത് ആയിപ്പോയ മറ്റു ബ്ലോഗേഴ്സിനും.....
(ആഗ്നേയ, ബിന്ദു കെ.പി., ഉഷേച്ചി, ചന്ദ്രകാന്തം, അതുല്യ, തണല്....തുടങ്ങി ഒട്ടനവധി)
പിന്നെ ഈ ഭൂലോകം മുഴുവന് നിറഞ്ഞുനില്ക്കുന്ന എല്ലാ 'ബൂലോഗ' സൗഹൃദങ്ങള്ക്കും
ഈ മീറ്റ് സമര്പ്പിക്കുന്നു....
പനിപിടിച്ച് അവധിയെടുത്ത് വീട്ടിലിരിക്കുന്നതിനിടയിലാണ്
മീറ്റിന്റെ വിവരമറിഞ്ഞത്.
പങ്കെടുക്കാന് കഴിയുമെന്ന് തീരെ പ്രതീക്ഷിച്ചതല്ല!!!
ചില സൗഹൃദങ്ങളുടെ നിര്ബന്ധങ്ങള്ക്ക് വഴങ്ങിയാണ് മീറ്റിനെത്തിയത്...
ഇപ്പോള് മനസ്സിലാക്കുന്നു...
പങ്കെടുക്കാന് കഴിഞ്ഞില്ലായിരുന്നുവെങ്കില് ജീവിതത്തിലെ ഒരുപക്ഷേ ഏറ്റവും വലിയ
നഷ്ടമാകുമായിരുന്നു ഇത്.....