ഒരു പ്രവാസിയുടെ കാവ്യപുസ്തകം...

. "ഒരു പ്രവാസിയുടെ കാവ്യപുസ്തകം..."

Wednesday, February 23, 2011

നഗരത്തെ വരയ്ക്കുന്നത്

OLD TOWN - LEONID AFREMOV
കുഴമണ്ണില്‍ വടിവുകളും വിടവുകളും
വരയ്ക്കുമ്പോള്‍ പെണ്ണാകുന്നത്,
ഇരു വശങ്ങളിലും
ചിറകുപോലൊന്ന് വരയ്ക്കുമ്പോള്‍
താനേ പറന്നുയരുന്നത്,
താഴെ ചക്രം വരയ്ക്കുമ്പോള്‍
ഉരുണ്ടു പോകുന്നത്,
അടിയിലൊരു തുളയിടുമ്പോള്‍
താഴ്ന്ന് പോകുന്നത്....
നഗരങ്ങളില്‍ മാത്രമാണ്‌.

ഉടലുകളുടെ നഗ്നരൂപങ്ങളിലൂടെ
നഗരത്തെ വരയ്ക്കാം...
ചുണ്ടുകള്‍ക്കിടയിലുള്ള
വിടവുകളിലൂടെയും നഗരം വരയ്ക്കാം..
ഒരേ രൂപത്തില്‍ രണ്ട് തവണ
ഒരു നഗരത്തെ വരയ്ക്കുമ്പോള്‍
നഗരം ഇല്ലാതാകുന്നു
നഗര ചിത്രവും!

മേല്‍ വസ്ത്രങ്ങളുള്ള നഗരം
ഉമ്മകളേല്‍ക്കാത്ത
ചുണ്ടുകള്‍ പോലെയെന്ന്
ഞാനവളെ നഗ്നയാക്കുമ്പോള്‍,
കാടിറങ്ങിയ മലഞ്ചരക്കുകള്‍ക്കും
കടലിറങ്ങിയ ഉരുപ്പടികള്‍ക്കും
വില പേശുമ്പോള്‍,
ഞാന്‍ നഗരത്തിലെ
വ്യാപാരിയാകുന്നു,
നീയതിന്റെ കാവൽക്കാരനും.
.......................................................
മലയാളനാടിൽ പ്രസിദ്ധീകരിച്ചത്   

30 comments:

Unknown said...

ഒരേ രൂപത്തില്‍ രണ്ട് തവണ
ഒരു നഗരത്തെ വരയ്ക്കുമ്പോള്‍
നഗരം ഇല്ലാതാകുന്നു
നഗര ചിത്രവും!

ശ്രീജ എന്‍ എസ് said...

ഞാന്‍ നഗരത്തിലെ
വ്യാപാരിയാകുന്നു,
നീയതിന്റെ കാവൽക്കാരനും.

നല്ല വരികള്‍

zephyr zia said...

നഗരം മനുഷ്യന്‍ എളുപ്പത്തില്‍ വരക്കുകയും മായ്ക്കുകയും ചെയ്യുന്നു!

ജയിംസ് സണ്ണി പാറ്റൂർ said...

മനോഹരമായിരിക്കുന്നു.

the man to walk with said...

Nice one

Best wishes

Kalavallabhan said...

മേല്‍ വസ്ത്രങ്ങളുള്ള നഗരം

Unknown said...

: )

പകല്‍കിനാവന്‍ | daYdreaMer said...

കുഴമണ്ണില്‍ വടിവുകളും വിടവുകളും
വരയ്ക്കുമ്പോള്‍ പെണ്ണാകുന്നത്,
ഇരു വശങ്ങളിലും
ചിറകുപോലൊന്ന് വരയ്ക്കുമ്പോള്‍
താനേ പറന്നുയരുന്നത്,
താഴെ ചക്രം വരയ്ക്കുമ്പോള്‍
ഉരുണ്ടു പോകുന്നത്,
അടിയിലൊരു തുളയിടുമ്പോള്‍
താഴ്ന്ന് പോകുന്നത്....
!!!

Unknown said...

എനിക്കും വ്യാപാരിയായാല്‍ മതി
കവല്കാരനാവണ്ട ...അവര്‍ക്ക് ഇപ്പൊ നീതി ഇല്ല

Ismail Chemmad said...

ഞാന്‍ നഗരത്തിലെ
വ്യാപാരിയാകുന്നു,
നീയതിന്റെ കാവൽക്കാരനും.


നല്ല വരികള്‍ , ആശംസകള്‍

yousufpa said...

മനോഹര വർണ്ണനകളീലൂടെ നഗരവർണ്ണങ്ങൾ കോറിയിട്ടു.

naakila said...

Nagara Kavitha Nannayi

Unknown said...

കുഴ മണ്ണിന്‍റെ രൂപമില്ലായ്മകള്‍,,കാവലിന്‍റെ ജാഗ്ര നേത്രങ്ങള്‍ക്ക് കീഴെ വരികയും പോവുകയും ചെയ്യുന്ന വാണിഭ ജന്മങ്ങളെ വരയ്ക്കാനും മായ്ക്കാനും കരുത്തു നേടിയ നാഗരികത... ,നല്ല കവിത

khader patteppadam said...

നല്ല കവിത

ഇ.എ.സജിം തട്ടത്തുമല said...

ഇങ്ങനെ ഒരാൾ ഇവിടെ വന്നിരുന്നു!

കവിത നന്നായിട്ടുണ്ട്. ആശംസകൾ!

ഗീത രാജന്‍ said...

രഞ്ജിത്ത് നല്ല കവിത

Sabu Hariharan said...

ക്ഷമിക്കുക. വ്യക്തമായില്ല.

ആ ചിത്രം! അതിലാണ്ടു പോയി!
ആരു വരച്ചതാണ്‌ ?
വർണ്ണിക്കാൻ വാക്കുകളില്ല.

Unknown said...

നന്ദി എല്ലാവർക്കും...

സാബു, ഈ ചിത്രം എനിക്കേറെ ഇഷ്ടമുള്ള ചിത്രകാരനായ
LEONID AFREMOV ന്റെ OLD TOWN എന്ന ചിത്രമാണ്‌!, ചിത്രത്തിൽ തന്നെ അദ്ദേഹത്തിന്റെ പേരുണ്ട്...

അദ്ദേഹത്തെക്കുറിച്ചുള്ള വിവരങ്ങൾ താഴെയുള്ള ലിങ്കിൽഉണ്ട്!

http://leonidafremov.deviantart.com/

നികു കേച്ചേരി said...

മേൽ വസ്ത്രങ്ങളില്ലാത്ത നഗരകവിത.

സ്മിത മീനാക്ഷി said...

രണ്‍ജിത്തിന്റെ കവിതകള്‍ കൂടുതല്‍ കൂടുതല്‍ sharp ആകുന്നു. നഗരചിത്രം ഭംഗിയായി.

ബെഞ്ചാലി said...

nice poem. congrats

Unknown said...

നന്ദി, എല്ലാർക്കും...
ബെഞ്ചാലി, നാട്ടുകാരാ പ്രത്യേക നന്ദി...

Anonymous said...

സ്ത്രീയെ മുന്‍നിര്‍ത്തി ഉപമിക്കുമ്പോള്‍ രചനയ്ക്ക് രൂപഭംഗി ഉണ്ടാവുന്നു...നന്നായിട്ടുണ്ട്...

Raveena Raveendran said...

മൂര്‍ച്ചയുള്ള കവിത

ponnus said...

വളരെ മനോഹരമായിരിക്കുന്നു

jiya | ജിയാസു. said...

വായിച്ചു.. മനോഹരം..

അനശ്വര said...

നന്നായിട്ടുണ്ട്..

ഭാനു കളരിക്കല്‍ said...

നന്ദി, ഈ മനോഹര കവിതയ്ക്ക്.

viswamaryad said...

ഞാന്‍ നഗരത്തിലെ
വ്യാപാരിയാകുന്നു,
നീയതിന്റെ കാവൽക്കാരനും വായിച്ചു..നന്നായിട്ടുണ്ട്..മനോഹര നഗരവർണ്ണങ്ങൾ

അനസ്‌ മാള said...

നഗരത്തെ നന്നായി വരച്ചുവെച്ചിരിക്കുന്നു, രഞ്ജിത്തും!

Related Posts Plugin for WordPress, Blogger...

പോസ്റ്റുകള്‍ ഇമെയില്‍ വഴി....

Enter your email address:

Delivered by FeedBurner